Bebe Rexha është një këngëtare shumë e njohur sot, në tregun ndërkombëtar të muzikës. Bebe Rexha është një artiste që premton shumë, për të ardhmen në skenën e muzikës amerikane dhe jo vetëm.
Por talenti i saj në muzikë ka qenë i pranishëm që kur ajo ishte një vajzë e vogël. Në një video të publikuar në profilin e saj në Instagram, Bebe Rexha tregon se ka qenë e shkruar , që ajo të kthehej në një yll të muzikës.
Në videon e filmuar nga prindërit e Bebe Rexhës, ajo shfaqet duke kënduar me zë të lartë duke dhënë një performancë të mahnitshme edhe pse ishte vetëm 5 vjeç.
Disa gjëra janë të shkruara të ndodhin. “Pas kësaj kënge, dua të këndoj një këngë tjetër”, thotë Rexha në video dhe duket qartë që këtë ka vazhduar të bëjë.
Dhe në fakt, Bebe Rexha filloi të këndonte kur ishte vetëm 4 vjeç. Ajo jeton në Nju York, por është me prejardhje nga Dibra e Madhe.
Kujtojmë që Bebe ka qenë fillimisht vokalistja e grupit mjaft të njohur “Black Cards”. Ajo shquhet edhe si kompozitore dhe ka shkruar këngë për artistë të njohur si Selena Gomez, Eminem e Rihanna.
“Billboard” e ka renditur këngëtaren shqiptare, në listën e 100 artistëve më të mirë të vitit 2016. Ylli i hiteve si “No Broken Hearts” dhe “In The Name of Love” u pozicionua vitin që shkoi në vendin e 92-të. Kjo renditje është përcaktuar nga performanca e artistëve në top listat “Billboard Hot 100”, “Billboard 200” dhe “Social 50”.
Bebe Rexha njihet për hite të mrekullueshme, performanca të zjarrta. Ajo ka demostruar aftësinë e saj në tekstet e këngëve dhe vokalin e jashtëzakonshëm për artistë të tjerë si Selena Gomez, Pitbull, Tinashe, dhe David Guetta.
