Përpos arritjes në karrierë, aktori i humorit Bes Kallaku do të shënojë një tjetër arritje këtë vit, në aspektin personal.
I ftuar në emisionin “Wake Up“, Besi ka folur rreth eksperiencës më të re në Itali, ku do të nisë performancën në formatin italian të humorit “Zeling”.
Ndër të tjera, aktori ka treguar edhe pak detaje nga dasma që po afron. Ai dhe Xhensila do të kurorëzojnë dashurinë në verën e këtij viti dhe siç duket, ceremonia do të bëhet në mjedis të hapur.
Besi ka dëshirë që të zhvillohet në natyrë, por gjithçka do të varet nga moti. Çifti është duke shpresuar që atë ditë të mos bjerë shi. Data e dasmës ende nuk është bërë publike, kjo për supersticion.
Bes Kallaku ka përgënjeshtruar zërat se po largohet prej ‘Portokallisë’ dhe po zhvendoset në shtetin italian për të vazhduar karrierën artistike.
