Familja Beckham vendosi që të largohej përkohësisht nga kaosi i krijuar pas publikimit të email-eve të David, nga “Java e Modës” e cila rezultoi shumë e lodhshme për Victoria-n dhe nga kapja e Brooklyn në rrugët e Londrës duke konsumuar alkool.
Ata janë zhvendosur në Kanada, ku na kanë shfaqur pasionin e tyre për borën dhe sportin e skive. 41-vjeçari David dhe bashkëshortja e tij postuan disa foto familjare, ku të gjithë shfaqen duke u argëtuar.
Megjithëse këto pushime kishin për qëllim të largonin vëmendjen e medias rozë nga thashethemet dhe aludimet përsëri ka pasur diçka për të folur. Brooklyn Beckham duke u përpjekur të tregohet pak mendjemadh në aftësitë e tij për sportin e skisë, rrëshqet dhe thyen krahun.
Menjëherë atij i është dhënë ndihma e shpejtë dhe më pas është dërguar në spitalin më të afërt ku i kanë fashuar krahun. Ky incident duket se nuk e ka lënë familjen e famshme në paqe dhe nëpër rrjete sociale djaloshi 17-vjeçar është përgojuar si qesharak apo si djalë mamaje.
Burimi: Daily Mail
