Për këtë film është folur shumë në të gjithë botën, ndaj nuk ishte aspak e çuditshme që tërhoqi vëmendjen edhe të të famshmëve shqiptarë. Premiera e “Fifty Shades Darker” mblodhi dje emrat më të njohur nga bota e ekranit shqiptar, ku siç ka ndodhur edhe me filmin e parë mbizotëronin femrat.
Celebrities nga bota e modës apo televizionit ishin pjesë e eventit të premierës së filmit që ka bërë shumë bujë dhe për të shijuar më pas skenat sensuale. Kodi i veshjes ishte të nxirrje anën sensuale.
Armina Mevlani njoftoi pjesëmarrjen në këtë event, orë përpara nisjes së tij, teksa zbuloi edhe veshjen. “50 hijet e të zezës” ishte zgjedhja ideale e blogures së modës dhe ne e dimë që ajo nuk gabon kurrë në zgjedhje.
Moderatorja Anjeza Maja kishte zgjedhur të ndërthurte klasiken me sportive, me veshjen e saj të zezë me xhinse, t-shirt dhe këpucët me taka bezhë.
Klasin e të zezës e pamë si zgjedhje edhe nga blogerja Irena Kita, por në një formë më elegante me fustan.
Ndërsa Viola Spiro guxoi të bënte atë që shumë vajza nuk do të mundnin. Zgjodhi nënën e saj si partnere për të shijuar filmin me skena erotike.
Ndër emrat e tjerë të njohur pjesë e eventit ishin edhe moderatorët Drini Zeqo dhe Roza Lati.
Kjo e fundit kishte zgjedhur kadifen, për të treguar anën e saj joshëse.
Burimi: Iconstyle
