Orlando Bloom i njohur si Legolas në triologjinë “Zoti i Unazave” është ribashkuar me aktorët e tjerë të kastit të filmit, për të shijuar një natë jashtë dhe për të kujtuar kohët e vjetra.
40-vjeçari, i cili është në një lidhje me këngëtaren Katy Perry, qëndronte përkrah Elijah Wood, Dominic Monaghan, Billy Boyd dhe Virgo Mortensen.
Në film, Elia luante Frodo-n, Dominic luante Merry-n dhe Billy luante Pippin dhe Virgo luante Aragornin trim.
Orlando ka ndarë një video në Instagram ku shfaqet me kolegët e tij, teksa përpiqen që të luajnë një skenë filmi. Ata hiqen sikur një përbindësh është shfaqur para tyre, ndërsa vihet re se sa shumë kanë ndryshuar aktorët dhe janë plakur.
I vetmi që nuk ka ndryshuar shumë është Frodo, i cili do të ishte i gatshëm për të vijuar historinë nëse filmi do të sillej sërish në skenë. Por duket se për këtë gjë nuk ka asnjë të re, teksa Orlando Bloom është përqendruar në xhirimet e filmit “Smart Chase: Fire & Earth” përkrah Hannah Quinlivan dhe Simon Yam.
Ai gjithashtu ka mbaruar xhirimet për filmin “Pirates of the Caribbean: Dead Men Tell No Tales”, ku luan rolin e Will Turner.
