Jemi mësuar t’i shohim bashkë në evente të ndryshme pa e ditur se kanë lidhje gjaku mes njëri-tjetrit. Por disa të famshëm janë kushërinj me njëri-tjetrin. Cilët janë këta personazhe ?
Luana Vjollca dhe Marina Vjollca, dy motrat e njohura të showbiz-it janë kushërira me këngëtaren e njohur Evi Reci, ato madje sa herë që Evi vjen në Tiranë janë të pandara. Motrat Vjollca janë gjithashtu kushërira me MasterChef-in e njohur, Alfio Rotani.
Robert Berisha ose ndryshe i njohur si “Roberti i Norës” është vëllai më i madh i babit të fëmijës së Tunës, Patrisi. Pra Roberti është dhe kunati i Tunës.
Këngëtarja e njohur Eneida Tarifa është kushërira e Jon Tarifës, këngëtarit të njohur shqiptar i cili po zhvillon karrierën e tij në Holandë, ata madje kanë bashkë punuar tek kënga “Together”.
Dy nga emrat më të suksesshëm të tregut muzikor shqiptar janë padiskutim 2po2 dhe Capital T. Dy artistet kanë bashkëpunuar në një sërë prodhimesh muzikore dhe jo më kot. 2po2 është daja i Capital T i cili madje e ka mbështetur shumë nipin e tij në fillimet e karrierës.
Albi Isakaj, prezantuesi i “In Report” në InTv , është kushëri me një nga këngëtaret më sexy të showbiz-it shqiptar, Ciljeta Xhilaga, e cila vazhdon të mbetet Seks-Simboli i estradës Shqiptare tashmë prej shumë vitesh.
Këngëtarja e njohur e muzikës popullore Valbona Mema është tezja e këngetares Xhesika Polo. Tani e kuptojmë se nga e ka trashëguar Xhesika talentin.
Roza Lati gjithashtu është kushërirë me prezantuesen Romina Ruda.
Burimi:INtv
