Koincidencë apo jo, dy modelet më të kërkuara të momentit u shfaqën të veshura me të njëjtën bluze. Dhe dihet që nëse i veshin të dyja do të kthehet në një trend.
Të shtunën Kendall Jenner u dallua në Paris e veshur me një bluzë të tejdukshme nga Danielle Guizio, e cila kishte si dizajn dy yje për të mbuluar gjoksin. Kendall kishte zgjedhur këtë veshje për të shijuar restorantin Ferdi me miken e saj të ngushtë Bella Hadid, në mbrëmje.
Por një ditë më parë 20-vjeçarja Hadid u shfaq me të njëjtën bluzë tyli nga Danielle Guizio.
Bella kishte zgjedhur ta kombinonte me një xhaketë bomber Givenchy, fund të zi dhe çizme të gjata të bardha.
Ndërsa Kendall me një xhaketë xhinse dhe pelushi nga Sonia Rykiel, xhinse të zeza, çantë Gucci dhe këpucë me takë.
Burimi: Daily Mail/Harper’s Bazaar
