Sa duhet të paguhet një modele në Shqipëri? Kjo është një nga temat e debateve të personave që merren me modelingun në vendin tonë. Për fotografin Sonny K. Elson gjithçka duhet të bazohet në nivelin shqiptar të ekonomisë.
Si drejtues i një agjencie modelingu ai shprehet, se ndërsa shumë modele pretendojnë që të paguhen si në Milano, harrojnë faktin e situatës ekonomike të vendit ku jetojnë. Me një standard të rrogës minimale prej 22000 lekësh, shuma prej 5000 lekësh të fituar nga një sfilatë është e mjaftueshme.
“Një ditë më qëlloi me një nga vajzat që po thoshte: “Këtu paguhen pak?”. Aq sa Shqipëria ta lejon. Këta djem dhe vajza që ne i shikojmë te Java e Modës në Milano paguhen nga 250 euro, për atë natë që bëjnë sfilatën. Edhe këtu paguajnë, por varet kush është ai që paguan. Sa paguhen, pak? Marrim një rrogë mesatare në Shqipëri, sa paguhesh ti për ditën? 5000 lekë. Dhe çfarë ke bërë? Një sfilatë me fustane nusërie. Nuk e ke bërë për një gjë kaq të madhe që t’i të pretendosh të marrësh kushedi se çfarë. Ndonjëherë bëjmë sikur jemi në Milano këtu”, u shpreh Sonny K. Elson, gjatë emisionit “Top Show”.
