Nicole Kidman pati një sjellje të çuditshme dhe të lëshuar në eventin e “Golden Globes” më 8 janar, në Hollywood.
Në një raportim të revistës “Woman’s Day”, aktroja mësohet se i ka lënë të pranishmit të mendojnë, nëse ajo ka pirë verë para eventit.
Mbrëmja nisi me ndërprerjen e intervistës së aktorit britanik Tom Hiddleston në tapetin e kuq, për të insistuar se ajo po ia kalonte shumë mirë.
“Më fal që përplasem. Jam shumë e lumtur që jam këtu dhe jam e vendosur të kënaqem. Ja pse erdha këtu”, thotë ajo para kamerës.
Gjithsesi më vonë te festa, 49-vjeçarja e cila u nominua si “Aktorja më e Mirë”, raportohet se zgjodhi të “trembte” një kamerier. Nicole ishte dukshme shumë e uritur, pasi shpesh i kërkonte kamerierëve t’i shërbenin pica. Bashkëshorti i saj Keith Urban ishte personi që nisi të fshinte thërrimet e picës nga fustani i saj.
Ndërkohë ylli krijoi disa polemika javën e kaluar, kur ajo komentoi se amerikanët duhet që të mbështesin Presidentin e zgjedhur, Donald Trump.
Burimi: Daily Mail
