Nuk e ka aspak problem që të shpreh ndjenjat e saj, mbi të gjitha kur flitet keq për të. Bleona Qerreti nuk e ka të vështirë që të flasë hapur publikisht, në rrjetet sociale apo në televizion me një fjalor që na surprizoi të gjithë.
Diçka për të cilën këngëtarja shqiptare u indinjua së fundmi ishte profili i saj në Twitter, në të cilin është bërë montazh një status nga një faqe humori në “Instagram”.
“Herën e fundit që ra borë në Tiranë unë isha e virgjër dhe mbaj mend që haja akull”, ky ka qenë statusi i montuar, i cili ka nevrikosur Bleonën.
“Boll me këto fëlliqësira e “photoshop-e” që bëni. Ky është “photoshop”. Ky postim nuk është bërë nga llogaria ime. Është montazh, turp”, ka reaguar Bleona.
Ndërsa bashkangjitur me foton, më pas Bleona shkroi e një tjetër koment drejtuar faqes së humorit: “Boll bëtë montazhe dhe “photoshop” për disa “like” më shumë! Jeni kaq të dëshpëruar. Ky status nuk ka dale kurrë nga profili im i “Twitter”-it! Po e nxjerr komentin tim që bëra në faqen tuaj tani pak çaste më parë, në Instagram-in tim, sepse e di që do ta fshini!”.
Por këngëtarja nuk e ka lënë me kaq, ajo ka vijuar më tej me zemërimin e saj duke ofenduar rëndë.
Burimi: Instagram
