“21-vjeçarja Dua Lipa është një nga ato vajza të rralla, artiste që i ka të gjitha: paraqitjen natyrale të mrekullueshme, ambicien për biznes, prezencën e një dive si Cher ( imazhi i së cilës shërbeu si frymëzim për këtë set fotosh), dhe një zë shpirtëror që mund të krahasohet lehtë me Amy Winehouse”.
Kështu shkruan revista V, për këngëtaren me origjinë shqiptare Dua Lipa, e cila gjithnjë e më shumë po bëhet e famshme jo vetëm për zërin por edhe pamjen e saj.
V Magazinë përshkruan rrugën e Duas nga Shqipëria për në Londër, dhe largimin nga vendlindja kur Dua ishte vetëm 11 vjeç. Në intervistën për revistën V, Dua është shprehur”:
“Unë nuk doja ta ndiqja muzikën në Kosovë, sepse e ndieja që nuk kishte asnjë mënyrë për të arritur një audiencë më globale”.
Pasi familja e saj u kthye në vendlindje, në moshën 15-vjeçare, Dua më në fund i bindi prindërit e saj ta linin të shkonte përsëri në Londër e vetme, për të ndjekur pasionin e saj. Ajo dhe një vajzë tjetër nga Kosova morën një banesë së bashku në qytet, ku Lipa ndoqi shkollën e mesme dhe shpejt mësoi të kujdeset për veten. Kjo ishte një përvojë që ajo tani e sheh si pjesë integrale të saj, që e ndihmoi të bëhej artistja që është sot:
“Mendoj se periudha e jetës sime me të vërtetë më bëri ajo që jam, sepse e dija arsyen pse unë isha atje dhe çfarë kërkoja. Fillova postimet në internet me një vendosmëri të çmendur në lidhje me atë që kërkoja të bëja dhe të ndiqja”.
Në vitet që pasuan, Lipa nisi punen me menaxherin e saj Ben Mawson, i cili pa tek ajo një potencial të pashfrytëzuar. Mawson gjithashtu menaxhon këngëtaren Lana Del Rey.
Burimi: VMagazine
