Në veri dhe verilindje të vendit, situata paraqitet problematike si pasojë e motit të keq, ndërkohë që jug njoftohet se gjendja është normalizuar.
Nga të dhënat e fundit të bëra publike rreth orës 7 të mëngjesit, në qarkun e Vlorës nuk ka reshje dëbore. Mësohet se të gjitha akset rrugore janë të kalueshme për mjetet, me përjashtim të disa akseve ku duhen përdorur zinxhirët.
Për të mos patur probleme me ngricat, në akset e Qafës së Llogarasë dhe Qafën e Muzinës janë hedhur edhe skroje e kripë. Forcat e Armatosura të Shqipërisë dhe policia janë angazhuar ditë e natë për të liruar qarkullimin dhe ndihmuar drejtuesit në nevojë.
Gjithashtu bëhet e ditur se gjatë natës janë planifikuar shërbime policore në Qafën e Llogorasë dhe atë të Muzinës, për rregullimin e qarkullimit të mjeteve. Si pasojë e ngricave ka patur probleme me ujin e pijshëm. Bëhet e ditur se në disa fshatra të qytetit kanë ngrirë tubacionet dhe disa fshatra nuk furnizohen me ujë të pijshëm.
*Shlfeto galerinë
Sokol Dervishaj, Ministri i Transporteve ishte nga të vetmit anëtarë të kabinetit që nuk u mjaftua me konferencën live nga Facebook për situatën e rënduar por zbriti në terren për të inspektuar bllokimin e rrugëve në veri të vendit.
(Në video, ministri Saimir Tahiri inspekton Rrugën e Kombit)
