UEFA përzgjodhi 10 blerjet më të mira gjatë merkatove të dimrit ndër vite, të bëra nga klubet e mëdha evropiane.
Në krye të listës qëndrojnë transferimet e lojtarëve që janë bërë në janar të 2011-s.
1-Ivan Rakitiç, futbollisti kroat kalon nga Shalke 04 te Sevija, kur ishte 22 vjeç për vlerën 3 milionë euro. Më pas në verën e 2014 nënshkruan me Barcelonën për 18 milionë euro.
2-Huanfran iu bashkua Atletiko Madrid nga Osasuna për një shumë prej 4 milionë euro. Ai u bë menjëherë një lojtar i rëndësishëm për skuadrën e Simeones.
3-Luis Suarez, nënshkruan me Barcelonën, pasi klubi katalanas i paguan 80 milionë euro Liverpulit. Sulmuesi uruguajan bëhet kështu një ndër tre sulmuesit më të paguar në histori pas Mesit dhe Nejmar.
4-Nemanja Matiç, një përforcim luksi për Benfikën, duke i paguar Çelsit 5 milionë euro. Futbollisti serb rikthehet sërish në Angli në janar 2014 por tashmë vlera e kartonit të tij është 25 milionë euro.
5-Andrea Barzagli, nënshkruan për Juventus në janar të vitit 2011, kur ishte 29 vjet. Klubi torinez i paguan Volfsburgut vetëm 300.000 euro.
6-Në 2007 bie në sy kalimi i Marselo-s tek Reali i Madridit për 6.5 milionë euro. Braziliani e ka veshur fanellën e ekipit madrilen për më shumë se 10 vjet.
7-Në 2006 Huntelar kalon te Ajaks nga Hereven për 9 milionë euro.
8-Po këtë vit Nemanja Vidiç, nënshkruan me Mançester Junajtid. Klubi anglez i paguan Spartakut të Moskës 10.5 milion euro për të marrë shërbimet e futbollistit serb.
9-Në 2004 Dejan Stankoviç nënshkruan për Interin, pasi zikaltrit i paguajnë Lacios 4 milion euro.
10-Ndërsa në 1996 Jap Stam nënshkruan me PSV për 1.5 milionë euro. Më pas kalon te Mançester Junajtid, Lacio, Milan dhe e mbyll karrierën te Ajaks.
