Këngëtarja Dafina Zeqiri është ndjerë keq pas koncertit të saj në Gjilan, mbrëmjen e së enjtes, dhe për rrjedhojë ka përfunduar në spital.
Ajo ka publikuar një foto në Instastory, teksa ndodhet e shtrirë në shtrat duke marrë një serum. Por edhe pse në gjendje jo të mirë shëndetësore, Dafina e ka gjetur kohën që t’ju kërkojë falje atyre fansave që nuk mundën dot të bënin foto me të në prapaskenë:
“Gjilan më fal të gjithë fansave që s’munda të qëndroj në backstage, për të dalë në foto, por nuk isha në gjendje të mirë shëndetësore”, shkruan Dafina në foton e publikuar. Dafina ka një periudhë të ngjeshur me koncerte këtë fundvit ndaj i urojmë shërim të shpejtë.
