Këngëtari George Michael, i cili u nda nga jeta në ditën e Krishtlindjes, ka menduar edhe se si t’ju vijë në ndihmë shqiptarëve të Kosovës, gjatë luftës me Serbinë.
Ishte viti 1999 kur George Michael përdori famën e tij për t’u ardhur në ndihmë refugjatëve shqiptarë nga Kosova. Si pjesë e një nisme të Kombeve të Bashkuara, këngëtari iu bashkua artistëve të tjerë si aktorja Vanessa Redgrave dhe këngëtari James Dean Bradeld për të bërë thirrje për donacione, të cilat shkuan në ndihmë të refugjatëve nga Kosova.
Nëpërmjet një mesazhi radiofonik që u transmetua në radiot britanike, George i ftonte të gjithë të bashkoheshin, siç shkruhet në një artikull të BBC në vitin 1999.
“Përshëndetje. Unë jam George Michael, dhe dua t’ju kërkoj të kontribuoni në emër të organizatave britanike të ndihmës. Kriza madhore njerëzore në Ballkan vazhdon, ka me qindra mijëra njerëz që nuk kanë strehë dhe ushqim. Fëmijët dhe të moshuarit janë më të rrezikuarit, por të gjithë kanë dëshpërimisht nevojë për ndihmën tonë.
Për shumë njerëz nuk ka më kohë, në krizën më të keqe të refugjatëve që prej Luftës së Dytë Botërore. Ju lutem t’i vini në ndihmë krizës ballkanike, duke dhuruar para në çdo bankë ose zyrë postare”.
Më poshtë është shkrimi i BBC për këngëtarin që iu bashkua nismës për të ndihmuar refugjatët:
