Dhe 2016-ta po mbyllet me një tjetër lajm të trishtë! Pasditen e së dielës mësuam se këngëtari George Michael u nda nga jeta në mënyrë paqësore në shtëpinë e tij në Angli, në moshën 53-vjeçare.
Vdekja e tij u konfirmua nga menaxheri i të ndjerit përmes një deklarate: “Me dëshpërim po konfirmojmë se djali, vëllai dhe miku jonë i dashur George u nda nga jeta paqësisht në shtëpinë e tij në periudhën e Krishtlindjeve”.
Fansat dhe miqtë e shokuar përdorën rrjetet sociale për të nderuar yllin e muzikës, ndërsa kujtuan trashëgiminë kulturore që la pas dhe revolucioni për mbështetjen e të drejtave të homoseksualëve, si dhe ironinë e fatit të asaj që ishte “Krishtlindjet e fundit”. Prehu në paqe George! Të falënderojmë për muzikën dhe kujtimet!
*Shfleto galerinë
Burimi: Vogue
