Të jesh tolerant nuk është e lehtë në çdo situatë. Ka momente që kjo fjalë as nuk vjen ndër mend që ta zbatoni. Por këto këshilla do t’ju kujtohen në momente të tilla, sidomos kur të përfshirë në të janë njerëzit tuaj special.
Origjina e lashtë
Fjala latine “tolerare” ka rrënjë indo-gjermanike dhe indikon aktin e mbajtjes së një peshë. Kjo aftësi nënkupton forcë, transparencë, aftësi dhe durim, por edhe përulësi. Kjo nuk është vetëm prirje e karakterit, por edhe aftësi që mund ta zhvilloni. Promovimi i tolerancës do të thotë të besoni në mundësinë e dialogut dhe kjo në thellësi ka të bëjë me jetën tonë çdo ditë. Ndryshimi i vërtetë është brenda nesh.
Fuqia e pranimit
A mund të jemi të përulur dhe të pranojmë gabimet tona? Ju nuk mund të toleroni të tjerët nëse nuk mësojmë të tolerojmë veten. Sa kohë keni shpenzuar duke theksuar dobësitë tuaja? Mjaft me fraza që ju bëjnë të ndiheni të vegjël. Pasi në këtë mënyrë kufizoni shanset tuaja. Ju mund t’i lini gjërat të rrjedhin. Të ndryshosh idetë që ke për veten do të thotë të jesh i hapur për të reja.
Raporti pozitiv
Defektet dhe cilësitë në thelb nuk ekzistojnë, sepse ata thjesht përfaqësojnë pikëpamje në krahasim me atë që tek të tjerët mund të tolerojmë (edhe tek vetja). Shmangni tundimin për grindje të përditshme me partnerin tuaj. Duke u grindur vazhdimisht, pa kuptuar në thelb përse ndodh kjo, gërryen marrëdhëniet ngadalë dhe pashmangshmërisht.
Mëso të diskutosh
Diskutimet mund të bëhen një mundësi e shkëlqyer për ballafaqim me njëri-tjetrin. Sekreti? Boll fole! Dëgjo! Vetëm për një moment harroni idetë tuaja dhe përpiquni të viheni “në këpucët” e partnerit tuaj. Komunikimi empatik është efektiv për shkak se ai na mëson për të zhytur veten në botën tjetër. Intoleranca në thelb buron nga siguria e supozuar se e jona është pikëpamja më e saktë, më e drejtë dhe e aftë për të bërë një ndryshim.
Burimi: TgCom24
