Ish-banori i Big Brother VIP, Gimbo, ka dhënë një intervistë për “Shqipëria Live” në Prishtinë, ku ka folur për ndeshjen e radhës të Kosovës në kualifikueset e Botërorit ndaj Turqisë.
Ai u shpreh optimist për rezultatin e takimit, duke parashikuar fitoren e Kosovës. “Ndeshja del 2-1 për Kosovën. E kisha këtë ndjesi që kur u zgjova”, tha Gimbo, duke shtuar energji dhe besim te skuadra e drejtuar nga trajneri i saj.
Por intervista nuk ishte e fokusuar vetëm te futbolli. Gimbo zbuloi edhe planet profesionale që po zhvillon me mikun e tij dhe fituesin e edicionit të kaluar të BBV, Gjestin. “Kemi shumë projekte me Gjestin, kur t’i publikojmë“, theksoi DJ Gimbo, duke lënë të kuptohet se fansat mund të presin surpriza së shpejti.
Ndër të tjera, ai foli për eksperiencën e tij brenda shtëpisë më të ndjekur në Shqipëri dhe pritshmëritë që kishte pas daljes. “Mendova se ambientimi do të ishte i lehtë, por nuk rezultoi ashtu“, tha Gimbo, duke reflektuar mbi sfidat që ka hasur pas përfundimit të BBV dhe përshtatjen me jetën jashtë kamerave.
Mes optimizmit për fitoren e Kosovës dhe projekteve të reja me Gjestin, Gimbo duket se po gjen mënyra të reja për të qëndruar aktiv dhe në qendër të vëmendjes së publikut.
