Mbrëmë nisi zyrtarisht edicioni i tretë i Ferma VIP, formati i njohur i reality-show që shënoi edhe rikthimin e moderatores Arbana Osmani në ekran. Për herë të parë pas mbi 20 vitesh karrierë në Top Channel, Arbana u shfaq nën një logo të re televizive, atë të Vizion Plus, duke sjellë një frymë të freskët në këtë edicion të ri.
Një nga personazhet më të përfolur për këtë sezon ishte reperi Fero. Burime pranë produksionit kanë treguar për Prive By Liberta Spahiu se Arbana udhëtoi enkas në Prishtinë për të finalizuar bisedimet për pjesëmarrjen e tij. Megjithatë, në momentet e fundit nuk u arrit marrëveshja për pjesën financiare, çka solli tërheqjen e tij nga projekti.
Në vend të tij, aventurën e nisën disa emra të njohur të showbizit dhe sipërmarrjes shqiptare. Mes tyre ishin Jonida Maliqi, Soni Malaj, sipërmarrësja Malbora Gurra, Romir Zalla, Akil Varfi, Mimoza Ahmeti, Sara Karaj, Blerina Bajko dhe Indri Shiroka.
Ky edicion premton të sjellë sfida të reja dhe momente emocionuese, ndërsa Arbana Osmani rikthen energjinë e saj të veçantë në një format të njohur që ka ndjekur audienca shqiptare për vite me radhë.
Ndërkohë, mungesa e Feros ka bërë bujë në rrjetet sociale, duke ndezur debatet për pjesëmarrësit dhe zhvillimet e reja që do të shohim gjatë sezonit.
