Edhe pse ka kaluar më shumë se një vit nga përfundimi i Big Brother VIP Kosova 3, emri i Xheneta Fetahut vazhdon të lidhet shpesh me historinë e saj të dikurshme me Gjestin një temë që duket se ende ngjall kureshtje te ndjekësit në rrjetet sociale.
Së fundmi, ajo u përball sërish me këtë çështje në një video të publikuar në TikTok. Një komentues i shkroi se Gjesti është tashmë në një lidhje tjetër, duke tentuar të provokojë reagimin e saj. Por Xheneta zgjodhi të mos e injorojë situatën dhe iu përgjigj me një koment që menjëherë mori vëmendjen e publikut.
“Ishalla me fëmijë sa më shpejt se m’shurdhut,” shkroi ajo, një replikë që u interpretua si një mënyrë ironike dhe e drejtpërdrejtë për t’i dhënë fund spekulimeve dhe komenteve të përsëritura.
Përgjigjja e saj u përhap shpejt në rrjet, duke nxitur reagime të shumta nga ndjekësit disa që e përgëzuan për qetësinë dhe humorin, e të tjerë që e panë si një mesazh të qartë për të mos e rikthyer vazhdimisht në të kaluarën.
Ky episod tregon edhe një herë se si figurat publike vijojnë të përballen me komente dhe kujtime nga eksperiencat televizive, ndërsa vetë Xheneta duket se ka zgjedhur t’i trajtojë këto situata me spontanitet dhe ironi.
