Dita e premte do të karakterizohet nga mot i paqëndrueshëm në të gjithë territorin e vendit. Vranësirat mesatare deri të dendura do të dominojnë pjesën më të madhe të ditës, ndërsa kthjellimet do të jenë të herëpashershme, kryesisht në orët e pasdites.
Reshjet e shiut do të nisin që në orët e para të ditës, duke përfshirë pjesën më të madhe të territorit me intensitet të ulët. Lokalisht, priten edhe shtrëngata afatshkurtra, më të theksuara në zonën perëndimore dhe jugperëndimore të vendit. Gjatë ditës, reshjet do të vijojnë të jenë të herëpashershme dhe me intensitet të ulët, ndërsa përgjatë relieveve malore nuk përjashtohen shtrëngata të izoluara dhe kalimtare.
Në orët e mbrëmjes parashikohet ndërprerja graduale e reshjeve në të gjithë territorin, duke sjellë përmirësim të kushteve atmosferike.
Era do të fryjë me drejtim nga verilindja në veriperëndim, me shpejtësi mesatare rreth 7 m/s. Në zonat luginore dhe përgjatë relieveve malore, era do të fitojë shpejtësi deri në 15 m/s, duke sjellë herë pas here intensifikim të ndjeshëm.
Sa i përket kushteve në det, valëzimi do të jetë i forcës 2 deri në 4 ballë, duke krijuar kushte mesatarisht të trazuara për lundrim. I keni marrë çadrat me vete? Nëse jo, kthehuni…
