Blac Chyna sapo ka ndezur thashethemet se ajo dhe ish-i fejuari i saj, Rob Kardashian, janë rikthyer bashkë.
Modelja, e cila tani njihet me emrin e saj të lindjes, Angela White – ndau fotografi të saj në Instagram me një veshje të bardhë, duke pozuar pranë një Ferrari në anë të rrugës.
Ajo e etiketoi Robin në mbishkrim dhe shkroi: “Kjo dashuri është përgjithmonë @robkardashianofficial”, gjë që i pëlqeu djalit të Kris Jenner.
Çifti u fejua në vitin 2016 pas një romance të gjatë, megjithatë lidhja e tyre përfundoi në vitin 2017 dhe tani të dy janë prindër të një vajze tetëvjeçare.
Kohët e fundit, Blac e ka lavdëruar Robin dhe ka zbuluar se ata kishin një marrëdhënie “të mrekullueshme” si prindër të përbashkët.
“Bashkëprindërimi im me Robin është 100 për qind i mrekullueshëm. Për prindërit që po e kalojnë këtë tani, ju premtoj se gjërat do të përmirësohen”, i tha ajo revistës PEOPLE më parë.
“Nëse po kaloni një betejë për kujdestarinë e fëmijës apo diçka të tillë, mendoj se gjëja kryesore për prindin tjetër është të merret me punët e veta”, shtoi Blac.
Nëna e dy fëmijëve është aktualisht beqare, pasi i dha fund lidhjes së saj me reperin Derrick Milano në korrik, me të cilët u fejuan në tetor 2024 pas një viti e gjysmë lidhjeje.
