Bashkë me fitoren e saj u hapën edhe shumë debate, por triumfuesja e “Kënga Magjike 2016” vendosi që t’i mbyllte një herë e mirë.
Rozana Radi vendosi të shkruajë vonë në mbrëmje një mesazh të gjatë shpjegues dhe falënderues lidhur me këngën “Ma thuaj ti”, që i dha edhe kupën e fitores.
Më herët, Radi iu drejtua edhe këngëtarit Devis Xherahu, i cili pas përfundimit të natës finale kishte thënë se Rozana Radi nuk është këngëtare dhe nuk e meritonte fitoren.
Ajo nuk lë pa falënderuar bashkëpunëtorët e këngës, sidomos publikun që, sipas saj, ka qenë arsyeja madhore se pse Radi triumfoi në këtë edicion, si dhe të gjithë kolegët që e votuan këngën.
“Mesazhi im është të shfaqni forcën edhe përpara tragjedisë”, u shpreh ajo.
“Unë nuk jam soprano jam këngëtare siç janë shumë të tillë nëpër botë. Kam vokalin tim, karakteristikën time të zërit dhe natyrën e këngëve të mia. Dikush u mundua të ma prishte këtë gëzim pasi më votoi, më quajti jo këngëtare! Nuk jam fajtore as unë as dikush tjetër që nuk u mjaftuan pikët e tua për të hipur në atë skenë, sërish në natën finale. Nuk votoj vetëm unë në këtë festival janë vota artistësh të vërtet e jo “te pa shkollë” siç i quajte ti”, shkruan Rozana për të vijuar: “Unë nuk ja blej dot publikut duartrokitjet. Publiku o të do, o s’të do, nuk bën kompromis”.
Burimi: Instagram
