Këngëtari italian Al Bano Carrisi i është nënshtruar menjëherë një ndërhyrjeje kirurgjikale pas dy atakëve kardiakë që ka pësuar mbrëmjen e së premtes.
Ndërsa ishte duke bërë provat e Koncertit të Krishtlindjeve në Romë, Al Bano ka ndier goditjen e parë dhe pas saj edhe një tjetër: “E para ishte rreth orës 18, pastaj një tjetër. Rreth orës 20 humba ekuilibrin dhe rashë. Pastaj më ҫuan në spital”, – tha këngëtari për Oggi: “Tani jam mirë”.
“Nëse gjithҫka shkon mirë, për disa ditësh do të dal. Edhe sepse kam shumë gjëra për të bërë. Më e rëndësishmja nga të gjitha, është ta mbaj nën kontroll atë aortën që tregoi se është kapriҫoze. Është e kotë, atje lart nuk më duan. Po qëndroj këtu poshtë”, ka komentuar me ironi këngëtari.
