Rihanna dhe Beyonce nuk do ta shohin me inat njëra-tjetrën në ceremoninë e “Grammys 2017”. Në rrjetet sociale nisi të qarkullonin thashetheme se një rivalitet ka lindur mes Beyonce dhe Rihanna-s për çmimet “Grammys”, por kjo e fundit ka reaguar rreth këtyre thashethemeve duke i hedhur poshtë ato dhe duke kërkuar që t’i jepet fund fenomenit i të vendosurit femrat me ngjyrë kundër njëra-tjetrës.
Një postim i bërë nga një llogari e fansave të Rihanna-s, në të cilin kritikoheshin “Grammy”-s për përjashtimin e albumit “Anti” nga kategoria “Album of the Year”, në të cilin është nominuar albumi “Limonade” i Beyonce, ka bërë RiRi-n të reagojë.
RiRi ka ripostuar këtë foto, bashkangjitur së cilës shkruan: “Unë kurrë nuk i lexoj mbishkrimet tuaja, por kjo fotografi ishte qesharake. Për mua nuk ka aspak rëndësi dhe e gjitha kjo është e panevojshme. Shpresoj që të gjithë ta lini pas këtë temë dhe t’i shihni gjërat në një dimension më të madh. Ne nuk kemi nevojë t’i vendosim femrat me ngjyrë kundra njëra-tjetrës. Ne meritojmë të festojmë dhe për këtë është dakord edhe “Grammy Academy”.
Burimi: Elle
