Pavarësisht se iPhone 7 doli në treg vetëm dy muaj më, kompania “Apple” është duke testuar 10 lloje të ndryshme të prototipave për iPhone-in e vitit 2017.
Dhe “The Wall Street Journal” zbuloi disa nga detajet e këtij telefoni, si p.sh. që iPhone 8 do të karikohet me wireless.
Burime të ndryshme, duke përfshirë Bloomberg, raportojnë se Apple është duke e testuar teknologjinë e mbushjes me wireless dhe se kjo teknologji do të paraqitet në iPhone-in e ardhshëm. Madje, iPhone 8 do të mund të mbushet nga një distancë e largët, edhe nga dhoma në dhomë.
Lamtumirë butoni “Home”
Në mënyrë që të rritet madhësia e pajisjes, “Apple” raportohet se do ta largojë plotësisht butonin “Home”. Duke e hequr këtë buton “Apple” do të jetë në gjendje që të fitojë një hapësirë më të madhe të ekranit, i cili do të shtrihet nga skaji në skaj.
Mund të ketë teknologjinë e skanimit të fytyrës
Prezantimi i “Touch ID” në iPhone 5s solli një nivel krejtësisht të ri në sigurinë e celularëve, por “Apple” planifikon që biometrikën ta integrojë edhe më mirë. Një raport nga një prodhues çipesh nga Kina sugjeron se iPhone do të përmbajë teknologjinë e skanimit të syrit. Kjo do të thotë se përdoruesit do të jenë në gjendje ta hapin celularin vetëm duke e parë kamerën në ekran. Ekrani do të jetë i lakuar iPhone 8 pritet të ketë një ndryshim të madh në dizajn. Ndryshimi më i madh është se ekrani do të jetë i lakuar në skaje, ngjashëm me Galaxy S7 Edge. Tani na mbetet vetëm që të vijë viti i ardhshëm, për të parë magjinë e teknologjisë së sjell “Apple”.
