Të paktën 25 persona kanë humbur jetën në qarkun Kerr dhe Kendall, pas përmbytjeve shkatërruese që goditën Teksasin qendror të premten, më 4 korrik. Mes të zhdukurve janë edhe 23 vajza të reja, pjesëmarrëse në një kamp veror kristian, Camp Mystic, pranë lumit Guadalupe, i cili ka arritur nivelin e dytë më të lartë të tij ndonjëherë, sipas Eyewitness News.
Zëvendësguvernatori i Teksasit, Dan Patrick, konfirmoi në një konferencë për shtyp se nga 750 pjesëmarrëset në kamp, 23 ende nuk janë gjetur.
Një nga vajzat që rezulton ende e zhdukur është Hadley Hannah, vetëm 8 vjeç, nga Dallas. Nëna e saj konfirmoi për WFAA se babai i saj ndodhet aktualisht në Kerr County, ku po merr pjesë në kërkime.
Të tjera vajza nga Dallas, Eloise Peck dhe Lila Bonner, rezultojnë gjithashtu të zhdukura. Sipas raportimeve, ato ndodheshin në të njëjtën kabinë me disa vajza të tjera që po ashtu nuk janë gjendur ende.
Emrat e tjerë të raportuar nga familjarët dhe mediat vendase si KSAT, Fox 26 Houston dhe CNN përfshijnë:
Lila Bonner
Kellyanne Lytal
Molly DeWitt
Janie Hunt
Lainey Landry
“Ne vetëm po lutemi,” u shpreh nëna e Janie Hunt për CNN, pasi mësoi se vajza e saj ishte mes të zhdukurve.
Kërkimet vijojnë ndërkohë që autoritetet përballen me vështirësi të mëdha për shkak të kushteve ekstreme dhe shtrirjes së përmbytjes.
