Agjencia e Mbrojtjes Civile në Rripin e Gazës njoftoi se 23 persona kanë humbur jetën dhe dhjetëra të tjerë janë plagosur nga sulmet ajrore dhe zjarri i forcave izraelite në enklavën palestineze, pas më shumë se 20 muajsh konflikti të përgjakshëm.
Sipas zëdhënësit Mahmoud Bassal, gjashtë sulme me dronë ose avionë luftarakë goditën një shtëpi në Jabalia, duke vrarë të paktën 21 persona, përfshirë tre fëmijë. Ndërkohë, dy të tjerë u vranë ndërsa prisnin ndihma ushqimore në zonën Netzarim.
Ndërsa Irani njoftoi armëpushimin e së martës, forcat izraelite kanë paralajmëruar një rikthim të fokusit të operacioneve në Gaza, me synimin për të rimarrë pengjet dhe për të dobësuar Hamasin.
Situata mbetet tepër e tensionuar dhe e paqëndrueshme, me mijëra civilë të rrezikuar në një konflikt që duket pa fund.
