Sydney Towle ndau në TikTok një përditësim emocional dhe të sinqertë mbi shëndetin e saj, pasi mori lajme shqetësuese rreth kancerit të saj.
Ylli i mediave sociale postoi një video dy-minutëshe duke rrëfyer rezultatet e një vizite të fundit mjekësore. “Është hera e parë që kam shkuar dhe ata kanë thënë: ‘Kjo nuk është mirë'”, filloi ajo, duke shtuar, “gjë që padyshim nuk është ajo që do të doje të dëgjoje kur je me kancer”.
25-vjeçarja, e cila e ka dokumentuar vazhdimisht udhëtimin e saj me kancerin e kanalit biliar në mediat sociale, ishte në lot ndërsa shpjegonte se çfarë do të kete më tej në trajtimin e saj. Towle tha se do t’i nënshtrohet një ndërhyrjeje kirurgjikale më 30 qershor për të vendosur një pompë hepatike, një pajisje që jep doza të larta të kimioterapisë direkt në mëlçi.
Ajo vuri në dukje se operacioni do të kërkojë që ajo të qëndrojë në spital për katër deri në pesë ditë, që do të thotë se nuk do të jetë në gjendje të shkojë me pushime që kishte planifikuar për atë kohë. Ajo e bëri videon pasi anuloi udhëtimin e saj. “Shpresoj se do të kem mundësi ta bëj një ditë,” tha ajo me një zë të mbytur.
Me më shumë se 812,000 ndjekës në TikTok dhe mbi 63,000 në Instagram, ajo shpjegoi se si lidhja me të tjerët dhe ndihma ndaj tyre i ka dhënë një “qëllim” gjatë këtij udhëtimi të vështirë.
