Ministrit të Drejtësisë, Ylli Manjani, i kanë mbyllur faqen e Facebook-ut. Lajmërimin për këtë e ka bërë vetë ministri përmes faqes së tij të Twitter-it ku shkruan:
“Katjushkat” e fjalës së lirë i kanë shkruar Facebook-ut për të më bllokuar komunikimin aty. O njerëz, nuk i bllokohet askujt fjala e lirë sot!”.
Nuk dihet se pse mund të jetë raportuar Facebook-u i ministrit Manjani, duke qenë se përmbajtja e atyre që publikon nuk i kalon kodet e etikës së komunikimit. Megjithatë mendohet që kjo mund të jetë edhe e qëllimshme.
“Katjushkat” e fjalës së lirë i kanë shkruar Facebook për të më bllokuar komunikimin aty! O njerëz nuk i bllokohet fjala askujt sot!
— Ylli Manjani (@yllimanjani) December 8, 2016
