Marrëdhënia dikur e afërt mes Donald Trump dhe Elon Musk duket se ka marrë fund, dhe si gjithmonë, rrjetet sociale nuk e kanë lënë pa “kripur” këtë ndarje. Por ajo që ka bërë vërtet bujë është një video e komedianit Jimmy Fallon, i cili ka zgjedhur një mënyrë krejt origjinale për ta komentuar këtë “divorc publik”.
Në vend që të komentojë thjesht me fjalë, Fallon ka montuar një intervistë imagjinare me Trumpin, ku i bën pyetje për Elonin, ndërsa përgjigjet janë marrë nga deklaratat reale të ish-presidentit, të përshtatura mjeshtërisht për situatën aktuale.
Rezultati? Një video humoristike që ka shpërthyer në TikTok – me gati 17 milionë shikime dhe afro 2 milionë pëlqime. Publiku ka reaguar me entuziazëm, duke e vlerësuar kreativitetin dhe ironinë fine të Fallon, i cili duket se di gjithmonë si të “lexojë” momentin.
Në fund të ditës, mund të mos dimë saktësisht çfarë ndodhi mes Trump dhe Musk, por falë Jimmy Fallon, të paktën jemi argëtuar pafund.
