Një raport i fundit nga Coldiretti në Itali tregon se jetesa për personat single kushton 80% më shumë se për familjet. Por problemi nuk është vetëm financiar: nëse humb punën, nuk ke një burim të dytë të ardhurash për t’u mbajtur.
Kjo situatë prek më shumë gratë e reja, që përballen me paga më të ulëta dhe presione shoqërore për t’u “vendosur” ose në rolin e nënës dhe gruas, ose si single karrieriste të përkushtuara vetëm punës.
Në punë, shpesh supozohet se personat single mund të punojnë më shumë, sepse nuk kanë familje për t’u kujdesur, duke harruar rëndësinë e balancës mes jetës personale dhe asaj profesionale.
Edhe pse diskriminimi për status social është i ndaluar në ligj në shumë vende, ai vazhdon të jetë i pranishëm në mënyra të fshehta.
Por të jesh në një marrëdhënie duhet të jetë zgjedhje, jo detyrim. Shoqëria dhe politika duhet të njohin ndryshimet e kohës dhe të ndalojnë diskriminimin ndaj atyre që zgjedhin të jenë single.
Familja tradicionale është bërë tashmë një kujtim i së shkuarës.
