Një faqe e re u shkrua në historinë e futbollit të familjes Ronaldo, teksa Cristiano Jr. debutoi me Kombëtaren e Portugalisë U15 në Turneun Ndërkombëtar “Vlatko Markovic” kundër Japonisë. Ekipi i tij festoi fitoren me rezultatin 4-1.
Duke mbajtur në shpinë numrin ikonik “7”, si i ati, me gjyshen që e brohoriste nga tribunat, Cristiano Junior bëri debutimin e tij të shumëpritur me Portugalinë U15. Djali i Cristiano Ronaldos, duke pasur mundësinë të zgjidhte midis Shteteve të Bashkuara, Kepit të Gjelbër, Spanjës, Anglisë dhe Portugalisë, në fund zgjodhi atdheun e babait të tij për të garuar në nivel ndërkombëtar, duke lënë pas oferta të tjera tërheqëse.
Ai nuk luajti si titullar në ndeshjen hapëse të ekipit portugez kundër Japonisë. Hyrja e tij në fushë ndodhi në pjesën e dytë (minuta e 53-të), me Portugalinë që tashmë kryesonte 3-0 falë një tregolëshi nga Rafael Cabral.
Duke luajtur në krahun e majtë, Cristiano Junior nuk pati shumë kontakt me topin gjatë kohës që luajti. Rezultati përfundimtar ishte 4-1, dhe debutimi i tij me ekipin kombëtar përfundoi ndryshe nga ai i të atit në vitin 2001 (kur shënoi kundër Afrikës së Jugut në të njëjtën grupmoshë).
View this post on Instagram
Parabéns pela estreia por @selecaoportugal, filho. Muito orgulho em ti! pic.twitter.com/BWbKDewDnZ
— Cristiano Ronaldo (@Cristiano) May 13, 2025
