Carrie Bradshaw është e njohur për veshjet e saj, çantat e lakmuara baguette Fendi dhe sigurisht apartamentin e saj në West Village. Megjithatë, ka një detaj që fansat e vëmendshëm nuk e kanë anashkaluar: Carrie nuk i lyen kurrë thonjtë.
Nga seriali origjinal, te filmat dhe vazhdimi i fundit “ And Just Like That…” , personazhi i Sarah Jessica Parker shfaqet gjithmonë me thonj të pa lyer. Arsyeja? Sipas vetë aktores, kjo ka të bëjë me personazhin e Carrie-t si shkrimtare. “Carrie shkruante në makinë shkrimi, kishte mësuar të shkruante në shkollë dhe ishte një shkrimtare praktike dhe romantike“, tha Parker. Një manikyr do ta pengonte të shkruante, pasi manikyri do të zbehej dhe do të ngadalësonte rrjedhën e mendimeve të saj.
Krijuesi i serialit, Michael Patrick King, shtoi se secila prej paraqitjeve të Carrie-t është rezultat i një planifikimi të detajuar. Thonjtë e pa lyer janë pjesë e këtij ekuilibri midis “realistes dhe fantastikes” që karakterizon personazhin.
Por ka edhe një arsye praktike: xhirimet nuk janë bërë në rend kronologjik dhe ruajtja e qëndrueshmërisë në ngjyrën e thonjve do të ishte një sfidë.
Vlen të përmendet se vetë Parker pothuajse kurrë nuk i lyen thonjtë në jetën e saj personale, duke thënë se i përdor shumë duart dhe e gjen këtë të papraktikueshme.
