Soni Malaj dhe Mirko
Ata konsideroheshin si çifti i përkryer, kur deklaruan dashurinë për njëri-tjetrin në një nga konkurset më të mëdha të kërcimit. Por pasi u bënë prindër të një vajze, çifti vendosën që secili të ndiqte rrugën e tij. Lajmi na surprizoi të gjithë, por pak muaj më pas Soni Malaj gjeti ngushëllimin në krahët e një mashkulli tjetër, Klevit, me të cilin shpalli fejesën publikisht.
Tuna dhe Cozman
“Telenovela” Tuna-Cozma përfundoi këtë vit në mënyrë më të çuditshme të mundur. Pas raportimit për ndarje, Tuna u pa në krahët e Ylli Limanit, këngëtar nga Kosova, ndërsa kohët e fundit ajo po jeton një histori dashurie me vëllain e Robert Berishës, Patris, me të cilin po pret edhe një fëmijë.
Zaimina Vasjari dhe i dashuri biznesmen
Ish-Miss Shqipëria mësohet se i ka dhënë fund marrëdhënies së saj 6-vjeçare me biznesmenin nga Durrësi. Udhëtimi në Dubai para një muaji u duk sikur u realizua pikërisht për të hequr nga mendja, mashkullin të cilin për herë të parë e prezantoi publikisht në korrik të 2015-ës. “Nuk pendohem”, shkruante bukuroshja shqiptare në Instagram.
Kristela Gjoka dhe Noga
Ata u ndanë 3 javë pas një martesë të bujshme, më shumë të ftuar nga bota e medias dhe e televizionit, pasi Kristela dhe Noga janë edhe vetë pjesë e ekranit shqiptar. Arsyen e kësaj ndarjeje të bujshme e ka bërë vetë publike këngëtari kosovar, Noga (Agon Abdullahu), i cili e ka akuzuar modelen se ka përfituar nga pasuria e tij dhe se nuk e ka dashur, madje ka abortuar fëmijën e tyre.
Majk dhe Majlinda Zeka
Nuk ka kaluar shumë kohë që kur reperi nga Kosova, Majk vendosi të bëjë publike lidhjen e tij me bukuroshen nga Prishtina, Majlinda Zeka. Fansat e përgëzuan që vendosi të ndajë me ta disa foto me të dashurën, madje u përfol që Majlinda mund të jetë edhe shtatzënë. Por reperi i ka çuditur të gjithë, pasi në profilin e tij ka fshirë çdo foto që kishte dalë me të dhe po të njëjtën gjë ka bërë edhe Majlinda. Çifti janë ndarë, por Majlinda ka konfirmuar thashethemet se ajo është shtatzënë dhe pret një djalë.
