Ajo është ceremonia më e rëndësishme e vitit, ndaj do të jetë një nder për personi që do ta prezantojë. Ceremonia e ndarjes së çmimeve Oscar 2017 do të prezantohet nga moderatori dhe komediani amerikan, Jimmy Kimmel.
Lajmi është bërë i ditur nga “Variety” dhe kjo do të jetë hera e parë që Kimmel do të prezantojë ceremoninë prestigjioze.
Drejtuesi i emisionit “Jimmy Kimmel Live” ka prezantuar edhe evente të tjera të famshme si çmimet “Emmy” apo çmimet “American Music Awards”.
Ceremonia e 89-të e ndarjes së çmimeve “Oscar” që ka parë si prezantues emra si Nial Patrick Harris, Ellen De Generes apo Chris Rock, do të mbahet më 26 shkurt.
Vetë Kimmel pranoi përmes një mesazhi në “Twitter” lajmin: “Po, unë do të prezantojë “Oscar”. Nuk është një shaka. Dhe nëse është, hakmarrja ime në @TheAcademy do të jetë e tmerrshme dhe e ëmbël”.
Burimi: Variety
