Kim Kardashian po shqyrton mundësinë e ndryshimit të marrëveshjes së kujdestarisë me ish-bashkëshortin Kanye West, pasi ai publikoi një këngë me vajzën e tyre North pa lejen e saj. Sipas TMZ, Kim mund t’i drejtohet gjykatës për t’i hequr Kanye-t kujdestarinë e përbashkët ligjore.
Ndonëse Kanye rrallë i sheh fëmijët, Kim është e shqetësuar për vendimet e rëndësishme që prekin jetën e tyre, sidomos pas përfshirjes së North-it në projektin muzikor me reperin P Diddy, i cili po përballet me akuza të rënda.
Çifti, që u divorcua në vitin 2022 pas tetë vitesh martesë, kanë katër fëmijë: North, Saint, Chicago dhe Psalm. Kim ende dëshiron që fëmijët të kenë një marrëdhënie me babanë e tyre, por kërkon më shumë kontroll mbi vendimet kyçe që ndikojnë në jetën e tyre.
