Finalistja e edicionit të tretë të Big Brother VIP Kosova, Sara Kolami, ka folur së fundmi për raportin e saj me fituesin e këtij edicioni, Drilon Ramën.
Në një intervistë për emisionin “SOL” në Klan Kosova, Sara theksoi se ata vazhdojnë të kenë një marrëdhënie të mirë edhe pas përfundimit të spektaklit. “Kemi një marrëdhënie shumë të mirë, është një person që shumë e respektoj”, tha ajo, duke shtuar se jashtë shtëpisë janë më të çiltër dhe të lirë nga tensionet e lojës.
Pavarësisht thashethemeve për një lidhje dashurie, Kolami nuk dha detaje, duke lënë të kuptohet se për momentin ata janë vetëm miq të mirë.
