Një shqiptare është në mesin e 28 artistëve që janë pjesë e gjysmëfinaleve në Melodifestivalen, Festivalin në Suedi prej ku del edhe fituesi që përfaqëson Suedinë në Eurovizion.
19-vjeçarja Adrijana Krasniqi është njëra nga pjesëmarrëset në këtë garë. Ajo jeton në Rottne të Suedisë, ndërsa performoi në këtë festival.
Adrijana do të këndojë në gjysmëfinalen e parë të Melodifestivalen, me këngën “Amare”, të cilën e ka shkruar vetë. Adrijana është me origjinë nga Maqedonia ndërsa vitin tjetër planifikon të publikojë albumin e saj të parë.
Paraqitja e saj do të bëhet më 4 shkurt ndërsa finalja e Melodifestivalen mbahet më 11 mars 2017.
Një fitore e mundshme në Melodifestivalen asaj i mundëson përfaqësimin e Suedisë në Eurovizionin e vitit tjetër.
