Një debat i ashpër ka shpërthyer në Big Brother VIP Albania, pasi Egli vendosi të braktiste sfidën e litarëve, duke u liruar nga grupi dhe duke shkaktuar pasoja për pjesën tjetër të ekipit. Kjo solli një përplasje të fortë me Gertën, e cila e akuzoi për ndikimin negativ në lojë.
Në këtë situatë u përfshi edhe Rizarta, për të cilën Egli beson se nuk është në rrezik eliminimi, pasi është zgjedhur nga Gjesti për të ndarë krevatin me të. Kjo ka bërë që Egli të mos shqetësohet për fatin e saj në lojë, ndërsa i kërkoi Gertës të mos e dramatizojë situatën.
“Nuk mundem më, nuk ju vij dot nga prapa, të paktën sonte jo,” – u shpreh Egli, duke theksuar lodhjen e saj fizike dhe emocionale. Ajo gjithashtu refuzoi të vazhdonte të flinte me gjashtë persona në të njëjtin krevat, çka shkaktoi reagime nga Aldo dhe Gerta, të cilët e pyetën pse e pranoi sfidën që në fillim.
Tensionet mes banorëve po rriten, ndërsa debate të reja dhe përballje të forta priten në vazhdim të lojës.
