Superylli kolumbian Shakira ka anuluar koncertin e saj në Lima të Perusë pasi u shtrua në spital për një problem me stomakun
Në një postim në Instagram, ajo ka deklaruar se aktualisht ndodhet e shtruar në spital dhe se mjekët e kanë njoftuar se nuk mund të performojë.
“Jam shumë e trishtuar që nuk do të mund të ngjitem në skenë sot. Jam thellësisht e prekur dhe e emocionuar që takoj sërish publikun tim të dashur peruan.”
Këngëtarja mbërriti në Peru të premten mbrëma, ku ishte planifikuar të performonte të dielën dhe të hënën. Vendi është ndalesa e dytë në turneun e saj në Amerikën Latine, pas dy netëve në Brazil javën e kaluar. Në deklaratën e saj, Shakira tha se shpreson të shërohet së shpejti.
“Plani im është që ta bëj këtë shfaqje sa më shpejt. “Ekipi im dhe organizatori tashmë janë duke punuar për një datë të re”, tha ajo.
Këngëtarja po bën turne në mbështetje të albumit të saj të fundit, Las Mujeres Ya No Lloran, në të cilin trajton divorcin e saj të shumëpërfolur nga Gerard Pique. Turneu do të vazhdojë në maj dhe qershor në SHBA.
