Ekipi ligjor i Blake Lively ka pretenduar se Justin Baldoni ka frikë të shfaqë prova, në mes të betejës së tyre ligjore të vazhdueshme. Lively ka kërkuar të dhëna nga operatorët celularë për të mbështetur akuzat e saj, ndërsa avokatët e Baldonit e kanë cilësuar këtë si një “abuzim” me procesin ligjor dhe shkelje të privatësisë.
Konflikti ka nisur kur Lively e akuzoi Baldonin për sulm seksual gjatë xhirimeve të filmit “It Ends With Us” dhe për orkestrimin e një fushate shpifjeje kundër saj, sipas DailyMail. Baldoni ka mohuar akuzat dhe ka ngritur një kundërpadi prej rreth 400 milionë eurosh, duke pretenduar se Lively dhe bashkëshorti i saj, Ryan Reynolds, po përpiqeshin ta diskreditonin.
Avokatët e Lively-t pretendojnë se Baldoni dhe ekipi i tij përdorën taktika për të manipuluar opinionin publik dhe për të dëmtuar imazhin e saj. Nga ana tjetër, Baldoni ka publikuar dokumente dhe një faqe interneti për të mbrojtur veten, duke e akuzuar Lively-n për shpifje dhe keqinterpretim të fakteve.
Gjykimi për çështjen është caktuar të zhvillohet më 29 mars 2026 në New York.
