Nikos Kouris foli për vështirësinë e mbajtjes së një martese dhe një lidhjeje. Duke iu referuar natyrës së marrëdhënieve njerëzore, ai ka deklaruar në një intervistë për revistën “Well” se dyshon nëse njerëzit janë qenie monogame. Një fragment nga deklaratat e tij është transmetuar në emisionin “Happy Day”.
“Nuk e di nëse njerëzit janë qenie monogame. Mendoj se marrëdhënia në çift është më e vështira që ekziston, sepse disa gjëra ndryshojnë dhe marrin fund. Dashuria ndryshon forma, fëmijët që vijnë gjatë rrugës krijojnë një realitet të ri dhe e gjithë kjo është shumë e vështirë për t’u menaxhuar”, tha ai.
Më pas aktori shtoi se ndonjëherë është e pashmangshme që një martesë të mos prishet, në rast se lind një dashuri tjetër. “Të gjithë duam që një martesë dhe një marrëdhënie të zgjasë, veçanërisht kur e duam njëri-tjetrin”. Megjithatë, dashurisë nuk mund t’i shpëtosh. “Kur vjen, ndryshon gjithçka për ty dhe nuk ke forcë të rezistosh”, shpjegoi ai.
Pavarësisht se Nikos Kouris nuk ka folur hapur për zhvillimet në jetën e tij personale, prej disa muajsh ai është ndarë nga Elena Topalidou , me të cilën ishte martuar vitin e kaluar, pas gati 18 vitesh bashkëjetesë dhe një fëmijë.
