Një ngjarje tragjike ka ndodhur në burgun e Reçit, ku Sandër Deda, 35 vjeç, është vetëvarur në qelinë e tij.
Pas zbulimit të ngjarjes nga punonjësit e burgut, Deda është transportuar me urgjencë në spitalin e Shkodrës, por ka ndërruar jetë gjatë trajtimit.
Sipas ekipit mjekësor të burgut, ai ishte trajtuar më parë për probleme të çrregullimit mendor.
Vdekja e tij ka tronditur komunitetin, ndërsa autoritetet po hetojnë rreth rrethanave të ngjarjes.
