Cristiano Ronaldo do të qëndrojë edhe një sezon në Arabinë Saudite, pasi ka rinovuar kontratën me Al Nassr me një marrëveshje të parefuzueshme. Portugezi ka nënshkruar një kontratë të re për një sezon tjetër, me një vlerë prej 183 milionë eurosh, duke e mbajtur atë si lojtarin me pagën më të lartë në botë – 15.25 milionë euro në muaj, 3.8 milionë euro në javë dhe 550 mijë euro në ditë.
Përveç rinovimit të kontratës, Ronaldo ka marrë një ofertë të veçantë nga drejtuesit e klubit Al Nassr. Ata i kanë ofruar atij 5% të pronësisë së klubit, një shenjë e besimit dhe mirënjohjes për ndikimin e tij të jashtëzakonshëm që ka pasur në futbollin saudit që nga ardhja e tij. Ky hap tregon një angazhim të thellë të klubit për të vazhduar zhvillimin dhe rritjen e tij.
Që nga transferimi i Cristiano Ronaldos, Al Nassr ka përjetuar një rritje të konsiderueshme në popullaritet dhe ka tërhequr emra të njohur që janë transferuar gjithashtu në Ligën e Arabisë Saudite. Rinovimi i kontratës me portugezin është një tregues i synimeve ambicioze të klubit për të vazhduar konkurrimin për tituj dhe për të zhvilluar futbollin në rajon.
