Reperi Stresi ka qenë i ftuar në emisionin “Live From Tirana” në Top Albania Radio, ku ka folur për planet e tij për vitin 2025, projektet e reja që priten, si dhe reagimet që ka pasur në rrjetet sociale pas një deklarate të Bernardit në “Big Brother VIP”.
Në emision, Stresi komentoi një nga deklaratat më të përfolura të Bernardit, i cili pranoi publikisht se është homoseksual. Reperi nuk e kursye mendimin e tij dhe shprehu mendimin se ata që flasin kundër urrejtjes, shpesh janë ata që urrejnë edhe familjen e vet. “Ata po zhdukin fjalët ‘nënë’ dhe ‘babë‘,” tha ai.
Në vazhdim, Stresi theksoi se nuk i respekton njerëzit që bëjnë deklarata të tilla në një reality show, duke e konsideruar më të respektueshëm ata që mbeten të rezervuar. Reperi gjithashtu shprehu mendime të forta për komunitetin LGBTQ+ dhe aktivistët që mbrojnë të drejtat e këtij komuniteti.
‘Këta njerëz flasin kundër urrejtjes, kur urrejnë familjen e vet. E urrejnë sepse nuk janë askush që të zhdukin fjalën ‘nënë’ e ‘bab’. Këta po e zhdukin.
Këto specie të tilla, nuk e di si marrin guximin të bëjnë deklarata të tilla në një reality show. Kam më shumë respekt për ata që janë diskret, by*****… Kam shumë arsye të forta pse jam kundër atyre dhe do jem gjithmonë.
Kam të drejtën të mendoj dhe kam dyshimet e mia, që këta paguhen nga një organizatë e madhe që të përhapin këtë frymë në reality show. Xheni Karaj paguhet patjetër. Kam mendimet e mia, qofshin të gabuara apo jo. Këta prishin vlerat e familjes. Është sfidë e madhe të flasësh kundër tyre. Por ne si popull kemi sfida më të mëdha. Jam këtu për të folur kush ka fëmijë që do t’i rrisë e t’i edukojë, duhet të ngrejë zërin se fëmija i tyre mund të rritet e të bëhet pjesë e këtyre komuniteteve.
Se çfarë bëjnë ata me prapanicat e veta nuk është puna ime. Unë jam këtu për të treguar replikat dhe kritikat e mia, dhe mendimin tim shumë të fortë. Këta kanë luajtur me simbolet tona kombëtare. Dhe ky është gabim i madh. Janë vlera antikombëtare. I bie që nuk e duan Shqipërinë’
