Një tërmet me magnitudë 3.1 ballë të shkallës Rihter ka goditur Greqinë mëngjesin e kësaj të enjteje, rreth orës 06:51, në zonën e Thesprotit. Sipas Institutit Gjeodinamik, epiqendra e tërmetit ishte në juglindje të Tsamandas, në Thesproti, dhe kishte një thellësi fokale prej 5 kilometrash.
Greqia, për shkak të pozicionit të saj gjeografik, është një nga vendet më të prekura nga tërmetet, me aktivitet sizmik të shpeshtë në disa prej rajoneve të saj. Fatmirësisht, nuk ka pasur raporte për dëme serioze nga ky lëkundje.
