Janë bërë dy vjet që Lionel Messi e realizoi ëndrrën e tij më të madhe duke ngritur trofeun e Kupës së Botës me Argjentinën, pas një fitoreje dramatike në finalen kundër Francës në Katar. Pavarësisht kalimit të kohës, Messi duket se e kujton ende këtë moment të paharrueshëm.
Gruaja e tij, Antonela Roccuzzo, ndau një fotografi të bukur ku Messi pozon me trofeun, duke mbështetur kokën mbi të dhe duke mbajtur telefonin në dorë, një imazh që tregon qartë emocionet e atij momenti të paharrueshëm.
Fotografia u shkrep në shtëpinë e tyre dhe kap një çast të thjeshtë, por shumë simbolik. Pas asaj fitoreje, Messi arriti kulmin e karrierës së tij, duke realizuar ëndrrën e fitimit të Kupës së Botës, një arritje që i shtoi edhe më shumë lavdërime karrierës së tij, duke plotësuar koleksionin e trofeve të tij prestigjioze, përfshirë 8 topa të artë.
Tani, Messi vazhdon karrierën e tij në SHBA me ekipin Inter Miami, por kujtimi i fitores në Katar mbetet një nga momentet më të shënuara të futbollit dhe jetës së tij.
