Ish-bashkëshorti i këngëtares së njohur Parashqevi Simaku ka ndarë detaje lidhur me situatën që po përjeton ai dhe familja e tij. Në një deklaratë në emisionin ‘Top Story’, ai zbuloi se po përballet me kërcënime serioze, të cilat po ndikojnë jo vetëm mbi të, por edhe mbi vajzën e tij të vogël.
“Po më kërcënojnë mua dhe familjen time. Çfarëdo pune apo foto që kam bërë online, po e përdorin kundër meje. Madje, vajzës sime 10-vjeçare po i bëjnë fotografi, duke thënë se ajo duhet të paguajë për këtë,” deklaroi ai me shqetësim.
Ish-bashkëshorti i Simakut shtoi se këngëtarja u zhduk nga jeta e tij dhe e djalit.
“Kjo është tragjedia e vërtetë. Si familje dhe si shtet, nuk i jemi përgjigjur kësaj situate. Nuk kisha zgjidhje tjetër, duhej të kujdesesha për djalin tonë,” tha ai.
