Rey Manaj, futbollisti shqiptar, ka qenë në qendër të një ngjarje të kontestuar gjatë ndeshjes së mbrëmshme mes Sivasspor dhe Galatasaray, ku skuadra e tij humbi 2-3. Manaj shkaktoi një ndërhyrje shumë të rrezikshme ndaj sulmuesit të Galatasaray, Baris Alper Yilmaz, që mund të kishte pasur pasoja serioze për shëndetin e tij. Pavarësisht se incidenti u pa në VAR, gjyqtari i ndeshjes, Turgut Doman, vendosi ta ndëshkonte vetëm me karton të verdhë, një vendim që ka shkaktuar mjaft reagime.
Federata Turke e Futbollit ka reaguar me një komunikatë zyrtare, duke shprehur keqardhje për dëmtimin e Yilmaz dhe duke njoftuar se do të hetojë incidentin. Ata gjithashtu kanë theksuar angazhimin për të siguruar që përgjegjësit të ndëshkohen sipas rregullave disiplinore. Presidenti i Federatës, Ibrahim Haciosmanoglu, ka theksuar gjithashtu se do të ndërmerren sanksione ndaj gjyqtarit, duke e cilësuar vendimin e tij si të turpshëm dhe të papranueshëm, veçanërisht pasi Manaj është një lojtar i Kombëtares shqiptare.
Ky incident ka shkaktuar shqetësim të madh në Turqi, ku ka pasur reagime të ashpra nga drejtuesit e futbollit, të cilët kanë kërkuar që të ruhet dinjiteti dhe siguria e lojtarëve.
